ስለኮንዶም አንዳንድ እውነታዎች

ትክክለኛ እና ዘላቂ የኮንዶም አጠቃቀም በግብረ ሥጋ ግንኙነት ጊዜ ከሚተላለፉ የአባለዘር እና ኤችአይቪ ቫይረስን ለመከላከል ይረዳል፡፡ ነገር ግን ኮንዶምን ብቻ መጠቀም  ከነዚህ በሽታዎች ፈጽሞ አይከላከልም ፡፡ አስተማማኙ የመከላከያ መንገድ እራስን ከግብረ ሥጋ ግንኙነት ማቀብ ወይም ደግሞ በአንድ የፍቅር ጓደኛ ተወስኖ መኖር ነው፡፡

ኮንዶም የአባላዘር በሽታዎችን እና ኤድስን የመከላከል ብቃቱ በላቦራቶሪ  እና በኢፒዲሞሎጂካል ጥናት ከፍተኛ ምርምር ተደርጎበታል፡፡ኮንዶም በጣም ጠቃቅን የሆኑትን የአባለዘር በሽታ አምጪ ተዋሕስያንን ሳይቀር የመከላከል ብቃቱ ከፍተኛ እንደሆነ የላቦራቶሪ ጥናቶች ያሳያሉ፡፡

ኮንዶም ከሚጠቀሙ እና ከማይጠቀሙ መካከል የሚጠቀሙት በበሽታ የመያዝ እድላቸው  በከፍተኛ ሁኔታ የቀነሰ እንደሆነ የኢፒዲሞሎጂክ ጥናቶች ይጠቁማሉ፡፡ በተያየዝም ኮንዶም መጠቀም የአባላዘር በሽታዎችን መተላለፍ ቀንሷል፡፡ኮንዶም በተለያየ ደረጃ የአባላዘር በሽታዎችን መከላከል ሲያስችል ይህም የሚወሰነው በዛ በበሽታ የመተላለፍያ መንገድ ነው፡፡ የወንድ ኮንዶም ሙሉ ለሙሉ የቆዳ ንክኪን ላይከላከል ስለሚችል በቆዳ ንክኪ ከሚመጡት የአባላዘር በሽታዎች (ጄኒታል ኸርፕስ፣ ሂዩማን ፓፒሎማ ቫይረስ ኢንፌክሸን፣ቂጥኝ እና ከርክር) ይልቅ በመራቢያ አካል ፈሳሽ አማካኝነት የሚተላለፉትን የአባላዘር በሽታዎች (ጨብጥ፣ ክላማይዲያ፣ ትራይኮሞኒያሲስ እና ኤችአይቪ ኢንፌክሽን) ይበልጥ ይከላከላል፡፡

ኤችአይቪ  ኢንፌክሽን

ትክክለኛ እና ዘላቂ የኮንዶም አጠቃቀም በግብረ ሥጋ ግንኙነት ጊዜ ከሚተላለፍ   የኤድስ በሽታ አምጪ ከሆነው ኤችአይቪ ቫይረስ ይከላከላል ፡፡ትክክለኛ እና ዘላቂ የኮንዶም አጠቃቀም እንደ ጨብጥ፣ ክላማይዲያ፣ ትራይኮሞኒያሲስ እና ኤችአይቪ ኢንፌክሽን የመሳሰሉትን በመራቢያ አካል ፈሳሽ አማካኝነት የሚተላለፉትን የአባላዘር በሽታዎች  ይከላከላል፡፡

ትክክለኛ እና ዘላቂ የኮንዶም አጠቃቀም እንደ ጄኒታል ኸርፕስ፣ቂጥኝ እና ከርክር ያሉ በብልት አካል ቁስለት የሚተላለፉ የአባላዘር በሽታዎችን መተላለፍ ይቀንሳል ይህም የሚሆነው የቆሰለው የብልት ቆዳ ክፍል ሙሉ ለሙሉ በኮንዶም ከተሸፈነ ብቻ ነው፡፡

ትክክለኛ እና ዘላቂ የኮንዶም አጠቃቀም እንደ ሂዩማን ፓፒሎማ ቫይረስ ኢንፌክሸን እና ተዛማጅ በሽታዎችን( ጄኒታል ዋርት እና የማህፀን በር ነቀርሳ) ሊከላከል ይችላል፡፡ዘላቂ ያልሆነ አልያም ጭራሹኑ ኮንዶም አለመጠቀም በአንድ የወሲብ ግንኙነት ብቻ የአባላዘር በሽታ ከታመመ ሰው ወደ ጤነኛ ሰው ሊተላለለፍ ይችላል፡፡

አግባብ የሌለው የኮንዶም አጠቃቀም የምንለው ኮንዶምን ሙሉ በሆነው የወሲብ ግንኙነት ወቅት መጠቀም ሳንችል ስንቀር ነው ይህም የኮንዶም መቀደድ፣ ማሟለጭ እና ማዠትን ያካትታል፡፡